生活在香港這繁華的都市, 使我的步速和心態都變得TURBO波的急性人...
去到芭堤雅終於可以放媛我的急性和急速的步伐....
強烈建議大家在芭堤雅租電單車代步!! 除了可以隨心所欲去想去的地方,避免浪費等車時間,更可省卻很多車資!!! (當然由芭堤雅到曼谷一定要坐計程車, 比較安全快捷)
今次在芭堤雅最想介紹給大家的是 "香港炳嫂"這店舖!! 雖然不是新時物, 但因為真的為我芭堤雅之旅 省卻不少金錢和時間!! 所以決定再與大家分享, 希望未聽過和籌備去芭堤雅的朋友都知道:)
香港炳嫂 是一間有泰國土產,手信 (食物,藥膏都有齊)的店舖, 而且價錢比超市BIG C或許多地方更便宜!! 大家可以放心一次過在這裹攪掂:) 但如果想買手製品手信, 這裡是沒有的 !
炳嫂 還可幫你租車, 包括電單車或出租車, 曼谷去芭堤雅時自己盲"中中" 搭了的士$1500 BAHT....真的俾多了$500 BAHT....仲要在炳嫂訂的出租車$1000BAHT去曼谷舒服好多....
炳嫂 仲可幫你找換外幣, 真的是低滙率...因為之前又是盲'中中' 唸住在銀行換錢比較安全, 去到炳嫂度先知自己又笨了....好在還未換曼谷的洗費, 所以都在炳嫂度換定先:)
另外 炳嫂仲可以幫你BOOK 人妖SHOW 或者LOCAL TOUR, 但今次在芭堤雅因為租了電單車, 所以都沒有JOIN LOCAL TOUR, 只係自己PLAN要去地方, 但都好滿足 去曬要去的地方:)
大家唔好以為我同"香港炳嫂" 有關係所以咁HARD SELL :> 哈哈 我只係唔想大家好似咁笨,浪費金錢...太唔抵啦~~~
仲有想推介想自己搭船 省卻LOCAL TOUR FEE出島玩的朋友!! 在 TOURIST PORT (從WALKING STREET一直行到盡頭, 有租電單車的朋友日間可穿過WALKING STREET直達碼頭 有位泊, 不過夜間WALKING STREET 車是不可進入的, 大家要注意呀!!) 搭船從PATTAYA 去 KOHLARN, 只係$150 BAHT 來回, 每程需時大概25分鐘, 但船的時間表大家要看清楚, 因為唔係好多船從島回芭堤雅, 而尾班船只係到6:00. 下圖就是出島的船:)
今次在島上紮了辮仔 覺得好靚又方便!!! 因為電單車的頭盔+天氣炎熱, 每次脫下頭盔...我的髮型....都令我不想拍照! 而紮了辮仔就唔驚啦~ 仲可以有新髮型!! 島上會有人問你紮辮仔, 記得要議價呀!!
到芭堤雅一定要食芒果糯米飯, 真係第二度食唔到到!! 十個讚!! 記住要試呢間叫"美塞通" 的芒果糯米飯! 真係芒果鮮甜.糯米飯的醬真係無得頂!!真係而家唸起都想食!!
0係曼谷唸住可以食番咁好味的芒果糯米飯....原來都係搵唔番!!!
仲有呢支ST. ANNA collagen drink, 雖然唔知實際人體可吸收到幾多, 但它味道不錯又平, 始終係collagen drink 飲了感覺都很良好!! 在7-11便利店就可搵到:) 大家不妨試下:)
先分享到呢度~~ 希望大家喜歡啦:)
